ದಧಿವಾಮನಸ್ತೋತ್ರಂ - Dadhivamana Stotra

 Dadhivamana Stotram in Vamana Puranam  :

ಹೇಮಾದ್ರಿಶಿಖರಾಕಾರಂ ಶುದ್ಧ ಸ್ಫಟಿಕ ಸನ್ನಿಭಂ |

ಪೂರ್ಣಚಂದ್ರನಿಭಂ ದೇವಂ ದ್ವಿಭುಜಂ ವಾಮನಂ ಸ್ಮರೇತ್ |೧|

ಪದ್ಮಾಸನಸ್ಥಂ ದೇವೇಶಂ ಚಂದ್ರಮಂಡಲ ಮಧ್ಯಗಂ |

ಜ್ವಲತ್ಕಾಲಾನಲಪ್ರಖ್ಯಂ ತಡಿತ್ಕೋಟಿ ಸಮಪ್ರಭಂ | ೨ |

ಸೂರ್ಯಕೋಟಿ ಪ್ರತೀಕಾಶಂ ಚಂದ್ರಕೋಟಿ ಸುಶೀತಲಂ |

ಚಂದ್ರಮಂಡಲ ಮಧ್ಯಸ್ಥಂ ವಿಷ್ಣುಮವ್ಯಂ ಅಚ್ಯುತಂ | ೩ |

ಶ್ರೀವತ್ಸ ಕೌತ್ಸುಭೋರಸ್ಕಂ ದಿವ್ಯರತ್ನ ವಿಭೂಷಿತಂ |

ಪೀತಾಂಬರಂ ಉದಾರಾಂಗಂ ವನಮಾಲಾ ವಿಭೂಷಿತಂ | ೪ |

ಸುಂದರಂ ಪುಂಡರೀಕಾಕ್ಷಂ ಕಿರೀಟೇನ ವಿರಾಜಿತಂ |

ಷೋಡಶಸ್ತ್ರೀ ಪರಿವೃತ್ತಂ ಅಪ್ಸರೋಗಣಸೇವಿತಂ | ೫ |

ಋಗ್ಯಜು:ಸಾಮಾಥರ್ವಾದ್ಯೌರ್ಗೀಯಮಾನಂ ಜನಾರ್ದನಂ |

ಚತುರ್ಮುಖಾದ್ಯೈ ದೇವೇಶೈ: ಸ್ತೋತ್ರಾರಾಧನ ತತ್ಪರೈ: | ೬ |

ಸನಕಾದ್ಯೈರ್ಮುನಿಗಣೈ: ಸ್ತೂಯಮಾನಂ ಅಹರ್ನಿಶಂ |

ತ್ರಿಯಂಬಕೋ ಮಹಾದೇವೋ ನೃತ್ಯತೇ ಯಸ್ಯ ಸನ್ನಿಧೌ | ೭ |

ದಧಿಮಿಶ್ರಾನ್ನಕವಲಂ ರುಕ್ಮಪಾತ್ರಂ ಚ ದಕ್ಷಿಣೇ |

ಕರೇ ತು ಚಿಂತಯೇತ್ ವಾಮೇ ಪೀಯೂಷಂ ಅಮಲಂ ಸುಧೀ | ೮ |

ಸಾಧಕಾನಾಂ ಪ್ರಯಚ್ಛಂತಂ ಅನ್ನಪಾನಂ ಅನುತ್ತಮಂ |

ಬ್ರಾಹ್ಮೇ ಮುಹೂರ್ತೇ ಚೋತ್ಥಾಯ ಧ್ಯಾಯೇದ್ ದೇವಂ ಅಧೋಕ್ಷಜಂ |೯ |

ಅತಿಸುವಿಮಲಗಾತ್ರಂ ರುಕ್ಮಪಾತ್ರಸ್ಥಮಲನ್ನಂ

ಸುಲಲಿತದಧಿಖಂಡಂ ಪಾಣಿನಾ ದಕ್ಷಿಣೇನ | ೧೦ |

ಕಲಶಂ ಅಮೃತಪೂರ್ಣಂ ವಾಮಹಸ್ತೇ ದಧಾನಂ

ತರತಿ ಸಕಲ ದು:ಖಾತ್ ವಾಮನಂ ಭಾವಯೇದ್ಯ: | ೧೧ |

ಕ್ಷೀರಂ ಅನ್ನಂ ಅನ್ನದಾತಾ ಲಭೇದನ್ನಾದ ಏವ ಚ |

ಪುರಸ್ತಾದನ್ನಂ ಆಪ್ನೋತಿ ಪುನರಾವೃತ್ತಿವರ್ಜಿತಂ | ೧೨ |

ಆಯುರಾರೋಗ್ಯಂ ಐಶ್ವರ್ಯಂ ಲಭತೇ ಚಾನ್ನಸಂಪದ: |

ಇದಂ ಸ್ತೋತ್ರಂ ಪಟೇದ್ಯಸ್ತು ಪ್ರಾತ:ಕಾಲೇ ದ್ವಿಜೋತ್ತಮ: |

ಅಕ್ಲೇಶಾದನ್ನ ಸಿದ್ಧ್ಯರ್ಥಂ ಜ್ಞಾನಾಸಿದ್ಧ್ಯರ್ಥಮೇವ ಚ | ೧೩ |

ಅಭ್ರಶ್ಯಾಮ: ಶುಭ್ರಯಜ್ಞೋಪವೀತೀ ಸತ್ಕೌಪೀನ: ಪೀತಕೃಷ್ಣಾಜಿನಶ್ರೀ: |

ಛತ್ರೀ ದಂಡೀ ಪುಂಡರೀಕಾಯತಾಕ್ಷ: ಪಾಯಾದ್ದೇವೋ ವಾಮನೋ ಬ್ರಹ್ಮಚಾರೀ | ೧೪ |

ಅಜಿನ ದಂಡ ಕಮಂಡಲ ಮೇಖಲ ರುಚಿರ ಪಾವನ ವಾಮನ ಮೂರ್ತಯೇ |

ಮಿತ ಜಗತ್ರಿತಯಾಯ ಜಿತಾರಯೆ ನಿಗಮ ವಾಕ್ಪಟವೇ ವಟವೇ ನಮ: | ೧೫ |

ಶ್ರೀಭೂಮಿಸಹಿತಂ ದಿವ್ಯಂ ಮುಕ್ತಾಮಣಿ ವಿಭೂಷಿತಂ |

ನಮಾಮಿ ವಾಮನಂ ವಿಷ್ಣುಂ ಭುಕ್ತಿಮುಕ್ತಿಫಲಪ್ರದಂ | ೧೬ |

ವಾಮನೋ ಬುದ್ಧಿದಾತಾ ಚ ದ್ರವ್ಯಸ್ಥೋ ವಾಮನ: ಸ್ಮೃತ:|

ವಾಮನಸ್ತಾರಕೋಭ್ಯಾಭ್ಯಾಂ ವಾಮನಾಯ ನಮೋ ನಮ: | ೧೭ |

|| ಇತಿ ವಾಮನಪುರಾಣೇ ದಧಿವಾಮನಸ್ತೋತ್ರಂ ಸಂಪೂರ್ಣಂ ||